بدأ ابل … عملاق الصناعه الالكترونيه بإنتاج خط ساعات Apple watch من سنه 2015 والحقيقة الساعة انتشرت بشكل كبير فى السوق العالمية ولاشك أن شركة ابل بتقدر تخلق منتج جديد وتسوق له وبعدين بتبدأ الشركات التانيه تاخد منها الفكرة وتشتغل عليها وتصنع بدائل ومع مرور الوقت البدائل دى بتتحسن وهكذا.
بدأت شاومي بإنتاج خط ساعات يحمل اسم Xiaomi Mi smartwatch من يوم 5 نوفمبر. الساعة تشبه إلى حد كبير ساعات ابل فى الديزاين وشكل الشاشة الأمامية بشكل كبير.
النهاردة أعلنت شاومي عن اصدار الساعة الجديدة اللى هتبدا بيعها فى الصين من يوم 3 يناير ودا شكلها زى اللى فى الصورة هنا.
من خلال الفيديو الرسمى اللى أعلنته شاومي هتلاقى أن ساعه شاومي الجديدة فيها المميزات الرئيسيه اللى موجودة فى الساعات الذكيه حالياً زى متتبع نبضات القلب، متتبع للنوم، متتبع للنشاطات والرياضه تنبيهات التطبيقات وغيرها.
لسه متمش الاعلان عن المواصفات الرئيسية للساعه ولكن غالبا الساعة نتيجة بشاشة بحجم 1.39 انش من نوع أموليد وبكثافة بكسلات 454*454 بالإضافة لبطارية بحجم 420 ميلى امبير هتقدر تستمر معاك لمدة أسبوعين.
بالإضافة لكدا من المتوقع أن الساعه هتدعم مقاومة للمياه لحد 50 متر بالإضافة لخاصية NFC اللى هتخليك تشحن الساعه لاسلكياً، بالإضافة إلى GPS
