كيف تختار ديزاين موبايلك

كيفية اختيار ديزاين الموبايل
كيفية اختيار ديزاين الموبايل

كيف تختار ديزاين موبايلك

الحلقة الثانية فى سلسلة كيف تختار موبايل مناسب.

بسم الله الرحمن الرحيم

كيف تختار ديزاين موبايلك

من خمس سنوات وتحديدا في 2015 كان كل اللى بيهمنا فى الموبايل أنه تكون الكاميرا كويسة والموبايل مش بيهنج وراماته عالية ويكون سعره مناسب.

لكن فى 2020 ومع تعدد شركات الموبايلات وتعدد الإمكانيات والمميزات والعيوب أصبح اختيار الموبايل حاجة شخصية جدا لان اللى هينفع مع صاحبك مش هينفع معاك والعكس صحيح.

الموضوع بقى انتقائى Custom جدا لكن فى مميزات أساسية لازم كلنا نبقى متفقين عليها وعلشان كدا عملنا سلسلة المقالات دى تبقى مرجع لأى حد عايز يحدث معلوماته ويزود معرفته فى عالم الموبايلات اللى بيتغير بوتيرة سريعة جدا.

فى المقالات الطويلة شبه السلسلة دى، هنكتب باللغة اللى يفهمها كل الناس وكأننا قاعدين على كافيه وهنجيب أعقد المصطلحات والمفاهيم ونقدمها بصورة مبسطة جدا.

علشان الكل يقدر يفهم ويستفيد ويعرف ازاى يشترى موبايل كويس تبعا لاحتياجاته واستخدامه والفئة اللى عايز يشترى فيها.

ودلوقتى هنتكلم عن التصميم Design بتاع الموبايل واللى بيدل بنسبة كبيرة على الفئة بتاعت الموبايل – لكن فى استثناءات مش دايما طبعا – وأحد الأعمدة الرئيسية اللى المفروض ناخد بالنا منها واحنا بنشترى الموبايل.

 

أولا: الخامات المصنع منها الموبايل

الخامات
الخامات

معظم الموبايلات حالياً بتبقى مصنوعة من واحد من الخامتين دول، يا إما زجاج يا إما بلاستيك / بولى كاربونيت، وطبعاً كل خامة من دول ليها مميزاتها وعيوبها.

مميزات التصميم من الزجاج

  • ملمس الموبايل فى الايد فخم جدا
  • مسكة الموبايل مريحة و premium
  • غير قابل للخدش
  • يعطى انعكاسات ولمعان بألوان مختلفة وجميلة

عيوب التصميم من الزجاج

  • الزجاج قابل للكسر بسهولة رغم محاولات الشركات وضع طبقات حماية.
  • قابل للاتساخ وأنه يترك بصمات بسهولة ولذلك بتلجأ الشركات أنها تحط طبقة …

مميزات التصميم من البولى كاربونيت

  • غير قابل للكسر.
  • لو ايدك بتزحلق الموبايل أو لو مش حابب. تستخدم موبايلك بجراب فدا أأمن حل.

عيوب التصميم من البولى كاربونيت

  • قابل للخدش بسهولة حتى لو معاه جراب.
  • ملمس الموبايل فى اليد لايدل على الفخامة.
  • مسكة الموبايل فى اليد رخيصة.

لاحظ أن عيوب كل خامة هى مميزات الخامة التانية، وبالتالى انت الوحيد اللى تقدر تحدد انت عايز ايه، واستخدامك للموبايل هيبقى ازاى.

ثانيا: البصمة

البصمة
البصمة

تطورت مراحل الحماية فى الموبايلات بشكل كبير مؤخرا فبعد ماكنا بنعتمد على النمط فى فتح موبايلاتنا بقينا بنعتمد على ماسح للبصمة فى ظهر الموبايل وصولاً إلى ماسح للبصمة تحت الشاشة.

كان أول ظهور لماسح البصمة تحت الشاشة فى مؤتمر CES 2018 و بشكل حصرى لشركة Vivo وسوق الموبايلات الصينية ومنها وصلت التقنية دى للعالمية وبقينا بنشوف موبايلات كتير فى الفئة المتوسطة والفلاج شيب ببصمة تحت الشاشة.

هتلاقى دائما أن معظم موبايلات الفئة الاقتصادية بصمتها فى ضهر الموبايل من ورا، البصمة من النوع دا بتبقى سريعة لأنها physical عنصر موجود بذاته وعملية.

فى موبايلات هتلاقى البصمة بتاعتها فى الاطار Frame بتاع الموبايل، زى موبايل ريلمي 7 او موبايل ريلمي نارزو وطبعاً البصمة بالشكل دا مكانها عملى جدا ويمكن الوصول إليه.

البصمة اللى تحت الشاشة فى الاصدارات الأولى منها كانت بطيئة ومعرفة البصمة فيها Recognition مكانتش كويسة لكن حاليا وفى 2020 الموضوع بقى افضل وتقدر تشترى موبايلك ببصمة تحت الشاشة مفيش مشكلة خالص حتى مع استخدام اسكرينة على الشاشة Screen Protector

فى استثناءات ؟ أيوة طبعاً فى استثناءات لأن البصمة تحت الشاشة بتعتمد فى تصنيعها فى معظم الموبايلات على وجود ماسح تكثيفى Capacitive scanner بيحتفظ بشكل البصمة ومعدل الاستجابة فيه سريع.

لكن فى 2019 فاجأتنا سامسونج فى موبايل +samsung s10 باستخدامها لبصمة بتعتمد على تقنيه الموجات فوق الصوتية فى أنها ترسل موجات تخبط فى بصمة الاصبع وترتد مرة تانيه وبيتم استخدام بيانات عمق اضافية، دا بيشكل زى صورة ثلاثية الأبعاد للبصمة.

طبعاً دا أصعب جزء تقنى فى الموضوع ولو وصلت لغاية هنا فى القراءة فأنا أحييك بشدة على سعة صدرك وكملخص للى فات :

البصمة إلى بتعتمد على ماسح تكثيفى اللى هى مستخدمة فى معظم الموبايلات بتكون سريعة، وذات حماية أقل نسبياً، وبتشتغل مع مدى كبير من الكڤرات Screen Protectors

البصمة اللى بتعتمد على الموجات فوق الصوتية بتبقى أبطأ قليلا، وذات حماية أكبر وفى كڤرات مش بتشتغل عليها.

ثالثاً: الإطار

الاطار
الاطار

مش هنتكلم فى النقطة دى كتير لكن لازم تعرف أن دى نقطة بتضيف لشياكة وفخامة الموبايل بردو، الإطار ممكن يبقى مطفى من البولى كاربونيت كعادة معظم موبايلات الفئتين الاقتصادية والمتوسطة او لامع من الألومنيوم أو المعدن Stainless Steel كعادة موبايلات الفلاج شيب.

رابعاً: نافذة الكاميرات

نافذة الكاميرات
نافذة الكاميرات

مع تطور الاستخدامات وتحديث عدسات الكاميرا الخلفية أصبحت الشركات بتنافس بعضها على مين يصنع أفضل كاميرا موبايل ودى هيبقى ليها حلقة لوحدها مفصلة.

لكن هنتكلم هنا شوية عن نافذة الكاميرات، هتلاقى أن فى موبايلات بتصمم النافذة دى على شكل مستطيل بكورنرات دائرية بالطول أو بالعرض، وهتلاقى معظم موبايلات 2020 جاية بديزاين مربع تقريباً مع كورنرات منحنية, وكان اول من اضافى تلك الخاصية شركة ابل فى موبايل iphone 11 pro max

لازم بردو ناخد بالنا من نقطة بروز الكاميرات، لان كل ماكانت نافذة الكاميرا الخلفية بارزة كل ماكانت عرضة اكبر للخدوش وهتحتاج تركب جراب Cover يدارى الموضوع دا، وكل ماكان البروز دا قليل أو مفيش بروز خالص كل ماكان أفضل.

خامساً: الحماية ضد الماء والأتربة

الحماية ضد الماء والأتربة
الحماية ضد الماء والأتربة

معظم موبايلات الفلاج شيب هتلاقى فيها الخاصية دى، الا وهى الحماية ضد الاتربة، الفكرة أن الديزاين بتاع الموبايل بيبقى محاط من جميع المنافذ والمداخل بطبقة من المطاط مصنوعة بعناية بحيث أنها تمنع وصول الماء فى حالة وقوع الموبايل فى المايه أو لو الدنيا بتمطر مثلاً.

وبردو تمنع وصول الأتربة لداخل الموبايل زى ماكنا بملاحظة فى الموبايلات اللى بطاريتها بتتغير مش Built in

دى كلها عناصر لازم نخلى بالنا منها واحنا بنشترى موبايل جديد او بنحدث موبايلنا، فى ناس ممكن تحدث موبايلها مع أنه بيلبى كل احتياجاتهم، علشان بس تجرب الكاميرا الجديدة أو تستمتع بتجربة مشاهدة على شاشة Full Display مثلاً، عادى جدا.

بردو خد بالك أن لما تقنية جديدة بيتوصل إليها المصنعين فى الشركات الكبيرة، بيتم استخدامها جميعها فى الموبايلات الفلاج شيب ودا شىء طبيعى، لكن انت لما بتشترى موبايل فى الفئة المتوسطة لازم تبقى عارف كويس اوى انت احتياجاتك ايه من الموبايل وتشوف مين من الشركات هيقدر يقدم لك اللى انت عايزه.

0 Shares:
المقالات دى هتعجبك
ريلمي نارزو 10
كمل قراءة بقى

الاعلان عن ريلمي نارزو 10 وريلمي نارزو 10a – اهم الامكانيات المتوقعة

تعرف على ابرز امكاينات موبايل ريلمي نارزو 10a الجديد كليا من ريلمي والمتوقع ان يتم الاعلان عنه يوم 26 مارس الجارى, تعرف على ابرز الامكانيات المعلنة حتى الان والتى ستأتى فى هذا الهاتف الجديد.