ابرز مميزات معالج سناب دراجون 865 بلس الجديد

من فترة قصيرة اعلنت شركة كوالكم عن المعالج الجديد معالج سناب دراجون 865 بلس واول معالج يتخطى حاجز سرعة 3 جيجا بايت.

طبعا كلنا عارفين ان معالج سناب دراجون يعد من افضل انواع معالجات الهواتف, ودا نظرا لتوفير الطاقة الكبير اللى بيدعمه وسرعته العالية وتوافقه مع معالجات رسومية افضل.

السنة اللى فاتت لقينا اول موبايل ينزل بمعالج سناب دراجون 855 بلس الا وهو موبايل asus ROG 2

لكن السنة دى المعالج الجديد من كوالكوم من نوع سناب دراجون 865 بلس سرعته بتصل الى 3.1 جيجا هرتز.

بزيادة قدرها 10% عن المعالج الاصلى من نوع سناب دراجون 865, وكمان لازال بيدعم تشغيل الشاشات بمعدل تحديث 144 هرتز.

مقارنة بين معالج سناب دراجون 865 ومعالج سناب دراجون 865 بلس

مش كدا وبس, المعالج كمان اصبح افضل بمقدار 10% بالنسبة للوصول الى معدلات التحديث Refresh Rate المطلوبة فى الالعاب.

بالاضافة لكدا, المعالج الرسومي Adreno 650 اتحسن بشكل كبير.

تحديث جديد فى المعالج هو قدرته على دعم اخر اصدارات الواي فاي من نوع WIFI 6E واللى بتقدر تشتغل على باند 6 جيجا هرتز علشان توفر لك سرعات تصل الى 3.2 جيجا بايت فى الثانية.

وقت الاستجابة او ال Latency هنا بيوصل الى 3 ميلي ثانية فقط! جميل جدا

كمان بيدعم البلوتوث الجديد من نوع 5.2

معالج سناب دراجون 865 بلس بيدعم شبكات الجيل الخامس 5g بالاضافة الى دعم الشحن السريع من نوع Quick Charge 4.0 بلس مع دعم لتقنية الذكاء الصناعي.

لغاية دلوقتى فى موبايلين من موبايلات الالعاب هييجوا بالمعالج دا, موبايل Asus ROG Phone 3 وموبايل لينوفو ليجن Lenovo Legion ودا موبايل جديد من لينوفو.

موبايلات تدعم معالج سناب دراجون 865 بلس

هيتم الاعلان عن موبايل ليجن فى شهر يوليو, بينما هيتم الاعلان عن موبايل Asus ROG يوم 22 يوليو.

افضل جزء بالتأكيد ان شركات الموبايلات هتبتدى تدخل المعالج الجديد فى موبايلاتها الفلاج شيب اللى جاية.

This Post Has 2 Comments

  1. ممتااااز

اترك تعليقاً