بداية كدا لازم كلنا نبقى عارفين ان بوكو Poco بقت شركة منفصلة تماما عن شاومى وانها هتبدأ فى انتاج موبايلاتها الخاصة بيها بعد ما أثبتت جداراتها وأحقيتها فى انها تبقى براند مستقل وتخزذ على ثقة الشارع, ودا مكانش فى اسيا وافريقيا بس ولكن موبايل زى Xiaomi pocophone F1 وصل لامريكا واوروبا وحقق مبيعات عالية جدا هناك كفلاج شيب كيلر Flagship killer
ميعاد الاطلاق
تم الاعلان عن ميعاد وصول موبايل poco x2 فى الرابع من فبراير القادم ودا على الموقع الرسمى ودى بعض الصور الللى بتوصح الامكانيات الجبارةا للى هييجى بيها الموبايل دا كموبايل gaming قوى.
الموبايل تم الاعلان عنه على تويتر وفى رابط هيرسلك من هناك على صفحة الموبايل واللى هتخليك تختبر معدل التحديث عندك Refresh Rate – وهتعرض لك بعض الامكانيات المتوقع نزولها فى الموبايل.
الامكانيات اللى وصلت لنا
الموبايل هنا مخصص لتجربة الالعاب بشكل كبير -فهتلاقى معدل تحديث كبير جدا يصل الى 120 هيرتز, بالاضافة الى تبريد مائى ومعالج من نوع كوالكوم سنابدراجون بالاضافة الى سينسور اساسى فى الكاميرا الخلفية بدقة 64 ميجا بكسل.
