التغطية الحية لمؤتمر سامسونج الجديد unpacked 2020

تابع التغطية الحية لمؤتمر سامسونج الجديد unpacked 2020 والذى ستعلن فيه سامسونج عن موبايلاتها الجديدة من فئة ال s مع الاعلان عن موبايل samsung z flip hg الجديد كليا
د توم روه وافتتاح المؤتمر

يطلق الحدث د توم روه ويعلن عن رؤية الشركة المستمرة فى العطاء والابداع مع الاعلان عن نوستالجيا سلسلة galaxy بداية من موبايل samsung galaxy s وازاى قدروا انهم يقدموا للمستهلكين موبايلات ذكية وقدروا يحافظوا على العطاء دا ويطوروا من نفسهم مروروا بموبايل samsung galaxy dous واللى كان طبعا افضل من الفئة السابقة له.

رؤية الشركة الجديدة فى انها تدمج ال Ai – IOT – 5G فى مصطلح اكبر الا وهو ال convergence

تابع د توم روه عن رؤية الشركة فى انها تقدم لمستهلكيها موبايلات تدعم خاصية ال 5G الجديدة بالاضافة الى كاميرات أفضل علشان تقدر تصور stories احسن على انستاجرام او فيسبوك, الموبايل اللى فى جيبك دلوقتى هيمكنك انك تقدر تصور افضل اللحظات بشكل مبهر واستثنائى, دا بالاضافة الى ان المؤتمر كله مصور بالموبايلات دى مكان الكاميرات ال DCLR

اطلاق موبايل samsung s20 بمؤتمر سامسونج الجديد

خاصية ال 5G

الخاصة الجديدة اللى بتقدمها شركة سامسونج ومركزة عليها هى خاصية ال 5G وازاى هتقدر تقدم لنا سرعات عالية جدا تستحمل استخدامنا لليوتيوب بدقة عالية, تمكننا اننا نقدر نلعب العاب online, نعمل فيديوهات live ويقل ال lag بدرجة كبيرة.

الكاميرات فى سلسلة galaxy s الجديدة

تقدر تعمل زوم 30 مرة باستخدام خاصية space zoom
هتقدر كمان تلتقط فيديوهات بدقة 8k
تقدر تزود مساحة ال1اكرة الى 1.5 تيرا

موبايل s20 ultra والخواص الاستثنائية

الاعلان عن موبايل s20 ultra فى مؤتمر سامسونج الجديد

موبايل samsung s20 ultra هنا بيدعم خواص استثنائية جدا – دا لانه الموبايل الافضل والاغلى فى ال 3 موبايلات ودى اهم الامكانيات بتاعته.

  • معاك هنا كاميرا بدقة 108 ميجا بكسل فائقة الجودة بالاضافة الى سينسور periscope بدقة 48 ميجا بكسل مع وضعية تثبيت الفيدوهات OIS.
  • وضع ال night mode هنا بيدمج 9 بكسلات فى بكسل واحد ودا معناه ان التقاط اقل درجات الضوء هنا اصبح حقيقة – وضعية التصوير الليلى هنا ممتازة بدرجة كبيرة.
  • الزوم هنا 10x optical مضروبة فى 10x digital فتقدر تحصل على قدرة زوم تصل الى 100x
  • المعالج هنا بيقدر يدعم 16 جيجا بايت رام من نوع lpddr
  • امكانية تصوير فيديوهات بدقة 8k وتشغيلها على تليفزيون بيدعم ال 8k

خاصية ال single take او اللقلطة الواحدة هنا بتمكنك ان تلقط صور بجميع الكاميرات وباستخدام الذكاء الاصطناعى تقدر تحدد افضل صورة منهم.

الكاميرا الأمامية هنا بدقة 40 ميجا بكسل وبالتالى متفوقة على موبايل s20 وعلى موبايل s20 plus اللى دقة العدسة الامامية فيهم 10 ميجا فقط ودى تعتبر اكبر دقة لكاميرا امامية فى موبايل على الاطلاق!

الموبايل نفسه هو الاكبر بحجم 6.9 انش بدقة 1440p ومعدل تحديث الشاشة refresh rate بمقدار 120 هيرتز.

الموبايل متاح للحجز المسبق من اليوم بسعر 1350/1400 دولار للنسخة العادية برام 12 جيجا ومساحة داخلية 128 جيجا لكن لو عايز النسخة الأقوى برامات 16 جيجا بكدا السعر هيوصل معاك الى 1550 دولار!

شراكات مع سامسونج

شركة سامسونج السنة دى عقدت شراكات مع شركات عديدة علشان تقدر تطلع لنا موبايل محترم زى

  • xbox
  • netflix
  • google
  • spotify

سماعات سامسونج الجديدة – galaxy buds plus

samsung buds plus
  • سماعات سامسونج الجديدة بتدعم الشحن اللاسلكى.
  • تقدر توصلها بموبايل اندرويد او ios
  • كمان بتجتوى على 3 مايكات علشان تقدر تلقط اقل واضعف الاصوات لما تتكلم فى الموبايل او ترد على حد بيتصل عليك.
  • سعة البطارية اكبر من الجيل السابق حيث تبلغ 85 ميلى أمبير.
  • سعر السماعات الجديدة 150 دولار فى الولايات المتحدة او 170 دولار فى اوروبا.

اسعار الموبايلات التلاته

اسعار الموبايلات التلاتة
  • يأتى سعر موبايل s20 ب 999 دولار
  • سعر موبايل s20 plus ب 1199 دولار
  • سعر موبايل s20 ultra ب 1399 دولار

الشركة اعلنت كمان عن ديزاين جديد خاص بلاعبى الالعاب الاوليمبيه ك special edition كدعم طبعا للالعاب الاوليمبيه ولتشجيع الرياضة وكدا.

0 Shares:
المقالات دى هتعجبك
ريلمي نارزو 10
كمل قراءة بقى

الاعلان عن ريلمي نارزو 10 وريلمي نارزو 10a – اهم الامكانيات المتوقعة

تعرف على ابرز امكاينات موبايل ريلمي نارزو 10a الجديد كليا من ريلمي والمتوقع ان يتم الاعلان عنه يوم 26 مارس الجارى, تعرف على ابرز الامكانيات المعلنة حتى الان والتى ستأتى فى هذا الهاتف الجديد.