موبايل samsung z flip – مغامرة جريئة ام خسارة محتملة!

طبعا كلنا منتظرين المؤتمر الجديد السنة دى واللى هتعرض فيه شركة سامسونج موبايلاتها الجديدة بالاضافة لموبايل samsung z flip

طبعا كلنا منتظرين المؤتمر الجديد السنة دى واللى هتعرض فيه شركة سامسونج موبايلاتها الجديدة samsung s20 واخواته الكبار s20 ultra + s20 plus ولكن دا مش كل حاجة! سامسونج هتعرض كمان احدث اختراع من اختراعاتها الجديدة وهو موبايل samsung z flip الجديد كليا

الموبايل دا هيبقى قابل للطى – زى موبايلات موتوروللا القديمة اللى كلنا جربناها ولكن المرة دى بشاشة قابلة للمس smart screen من تصنيع سامسونج, فى تسريبات ظهرت عن الموبايل دا كالاتى

الامكانيات المتوقعة ل samsung z flip

  • بمعالج snapdragon 855+
  • كاميرا خلفية بعدستين: بدقة 12 ميجا بكسل
  • بطارية بسعة 3300 ميلى أمبير
  • بصمة فى فريم الموبايل

لكن متتوقعش انه هييجى بالامكانيات النهائية بتاعت 2020 زى دعم الشبكات ال 5G والشحن السريع 50 وات ومعدل التحديث Refresh rate العالى اللى هيوصل فى موبايل s20 الى 120 هيرتز! لو عايز الامكانيات العظيمة دى يبقى متوفر قدامك samsung galaxy Fold او موبايل huawei mate X

الفكرة هنا ان سامسونج بتاخد خطوة نحو المجهول والسنة اللى فاتت شفنا ازاى انها أعلنت عن موبايل samsung galaxy Fold وانها قدرت تحقق مبيعات عالية وصلت لاكتر من 400 الف نسخة على الرغم من كمية العيوب اللى ظهرت خصوصا فى الشاشة – لكن على كل حال اول اصدار لازم يبقى فيه عيوب ودا معروف جدا ومع الاختبار Testingوالتحديث وكدا بينشأ جيل جديد يقدر يتلافى العيوب اللى بتظهر.

من المتوقع بردو ان سعر الموبايل دا هيكون غالى بالمقارنة بالموبايلات الجديدة الفلاج شيب اللى هتنزل معاه لان الشاشة من النوع دا اللى بتبقى قابلة للطى غالية جدا وممكن توصل لاكتر من 1500 دولار !

سباق تصنيع الموبايلات القابلة للطى بدأ فى 2019 ومستمر فى 2020 ومع الوقت هينشأ مصطلحات جديدة وهتتغير خريطة الموبايلات تماما, هيبقى فى تصنيف اعلى من الفلاج شيب وهو تصنيف رجال الاعمال مثلا او ال youtubers لاننا شوفنا تسعير موبايل samsung galaxy fold كان تقريبا 2000 دولار وعلى ماوصل مصر كان تمنه معدى ال 40000 جنيه ودا رقم كبير جدا خصوصا على نسخ اولية واصدارات غير مستقرة لازلات تحت التطوير – فهل تعتقدوا ان دى مغامرة جريئة من سامسونج وهتقدر انها تاخد ال risk وتكمل ولا محاولة خسرانة والموبايل مش هيقدم قيمة مقابل السعر؟ خلونا نعرف اراؤكم هنا فى الكومنتات

0 Shares:
المقالات دى هتعجبك
ريلمي نارزو 10
كمل قراءة بقى

الاعلان عن ريلمي نارزو 10 وريلمي نارزو 10a – اهم الامكانيات المتوقعة

تعرف على ابرز امكاينات موبايل ريلمي نارزو 10a الجديد كليا من ريلمي والمتوقع ان يتم الاعلان عنه يوم 26 مارس الجارى, تعرف على ابرز الامكانيات المعلنة حتى الان والتى ستأتى فى هذا الهاتف الجديد.