ارخص موبايل شاومي تحت 1400 جنيه. هل دا معقول؟

لو بتدور على ارخص موبايل شاومي تقدر تشتريه فاحنا فى البوست دا بنقدم لك موبايلات بسعر 1400 جنيه تقدر تشتريها لابنك الصغير بمواصفات كويسة وتخلص بقى من صداعهم.

ارخص موبايل شاومي تحت 1400 جنيه

بتدور على ارخص موبايل شاومي؟ عايز تشترى موبايل لابنك الصغير بسعر مناسب وبامكانيات كويسة عن اللى بيقدمه الموبايل؟

طيب هل اساسا عمرك فكرت ان شركة شاومي ممكن تقدم لك بطارية 5000 ميلى أمبير, مع وشاشة كبيرة بحجم 6.5 انش ومعالج من نوع ميدياتك بالاضافة لدعم السوفت وير الجديد MIUI 12 – كل دا وب 1400 جنيه بس ؟

اه زى ماقرات دلوقتى, ب 1400 جنيه بس – هتقدر تشترى موبايل شاومي ريدمي 9a – الموبايل الجبار اللى بينزل فى الفئة الاقتصادية

دا بيخلى الموبايل دا تقريبا ارخص موبايل شاومي, ولان ناس كتير بتسأل – ايه هو ارخص موبايل اقدر اشتريه لابنى؟

ايه ارخص موبايل شاومي يقدر يشغل العاب وابنى يستخدمه بدل ماهو بيستخدم موبايلى؟

علشان كدا شاومي وفرت لك الحل لغاية عندك.

طبعا دا بيساهم فى جلب مزيد من المستهلكين لشبكة شاومي العريضة, كمان انت كمستخدم للموبايل عايز موبايل حجمه كبير, بطاريته كبيرة مبتخلصش الا فى اخر اليوم.

مش هنركز اوى على امكانيات الكاميرات هنا بقى وال Dynamic range والجو دا لانك فى النهاية بتحصل على موبايل بسعر 1400 جنيه, فكل الحاجات الواو اللى بنلاقيها فى موبايلات اغلى شوية مش هنلاقيها هنا.

حمستنا بقى ياموبيرينا للموبايل – ايه هو؟

خلينا متفقين ان موبايل فى الفئة السعرية دى ويكون موجود فى الاساس, دى خطوة جريئة من شاومي انها تقوم بيها – دا لانها بتدور على كسب شريحة جديدة من المستهلكين.

شريحة مش هاممها بقى الكاميرات ولا الديزاين بتاع الموبايل, شريحة كل همها ان الموبايل يكون متواجد معاها, وتقدر انها تتصفح النت منه, تتصفح السوشيال ميديا عليه. تلعب عليه العاب من Google play

كتير مننا بنواجه المشكلة دى – ترجع من شغلك او تروح زيارة لحد قريبك او صاحبك, فبنلاقى الاولاد بتمسك الموبايلات وتبدا تلعب فيها؟

دلوقتى شاومي قدمت لك الحل – فمع موبايل زى شاومي ريدمي 9a هتقدر تجيبه لابنك وانت مطمن انه مش هيتكسر ولا هيسخن منه ولا اى حاجة من دى.

جميل جدا

ارخص موبايل شاومي ريدمي 9a

ارخص موبايل شاومي

الموبايل هنا بييجى بمعالج من نوع MediaTek Helio G25 بمعمارية 12 نانو متر, الشاشة هنا من نوع IPS LCD HD وكمان بحجم 6.5 انش – تجربة المشاهدة هنا كويسة اوى.

الموبايل بييجى برامات بحجم 2 جيجا بايت وبذاكرة داخلية بحجم 32 جيجا بايت.

الموبايل بييجى ببطارية بسعة 5000 ميلى أمبير, ودا معناه ان الهاتف هنا هيكفى اليوم كله لعب وتشغيل واستخدام.

الموبايل هنا بييجى بكاميرا قليلة شوية ودا معروف علشان السعر اللى بنتكلم فيه, كاميرا أمامية ثلاثية بدقة 13 ميجا بايت وكاميرا سيلفى بدقة 5 ميجا بايت.

مميزات Xiaomi redmi 9a

  • حجم الشاشة كبير يصل الى 6.5 انش لتجربة مشاهدة غنية.
  • بطارية الموبايل بسعة 5000 ميلي أمبير.
  • السعر الرخيص للموبايل.
  • نظام التشغيل احدث اصدار من شاومي MUIU 12 والذى يعتمد على نظام تشغيل اندرويد 10

حلو مش كدا؟

لو حابب تعرف اكتر عن الموبايل
سعر ومواصفات شاومي ريدمي 9a

موبايل شاومي ريدمي 9c

شاومي ريدمي 9C

الموبايل هنا بييجى بمعالج من نوع MediaTek Helio G35 بمعمارية 12 نانو متر, الشاشة هنا من نوع IPS LCD HD وكمان بحجم 6.53  انش – تجربة المشاهدة هنا حلوة.

الموبايل بييجى برامات بحجم 2 جيجا بايت وبذاكرة داخلية بحجم 32 جيجا بايت

الموبايل بييجى ببطارية بسعة 5000 ميلى أمبير, ودا معناه ان الموبايل هنا هيكفى اليوم كله لعب وتشغيل واستخدام وتصفح على السوشيال ميديا.

الموبايل هنا بييجى بكاميرا قليلة شوية ودا معروف علشان السعر اللى بنتكلم فيه, كاميرا أمامية ثلاثية بدقة 13 ميجا بايت وكاميرا سيلفى بدقة 5 ميجا بايت.

الفرق هنا عن الموبايل التانى فى المعالج وفى انك بتحصل على بصمة فى ظهر الموبايل. بالاضافة للكاميرا الثلاثية

لكن فيما عدا ذلك, الشاشة والكاميرا السيلفى وحجم البطارية هما هما.

ممتاز

لو حابب تعرف اكتر عن الموبايل
سعر ومواصفات شاومي ريدمي 9c

زى ماشوفنا, الشركة بتحاول تنتج لك ارخص موبايل شاومي ممكن تشتريه, يعنى مهما كان مستوى معيشتك, هتقدر انك يكون معاك موبايل فى جيبك.

او لو عايز تجيبه لابنك بردو مفيش مشكلة. دلوقتى بقى قول لنا. هل ممكن تشترى الموبايل دا؟ ولو لا … لا ليه؟

اكتب لنا فى الكومنتات هل تتوقع الموبايلين دول يحققوا مبيعات ولا لا؟ وايه افضل منافسين ليهم؟

0 Shares:
المقالات دى هتعجبك
ريلمي نارزو 10
كمل قراءة بقى

الاعلان عن ريلمي نارزو 10 وريلمي نارزو 10a – اهم الامكانيات المتوقعة

تعرف على ابرز امكاينات موبايل ريلمي نارزو 10a الجديد كليا من ريلمي والمتوقع ان يتم الاعلان عنه يوم 26 مارس الجارى, تعرف على ابرز الامكانيات المعلنة حتى الان والتى ستأتى فى هذا الهاتف الجديد.