بعد الاعلان عن ساعة شاومي الذكية xiaomi mi watch color فى شهر ديسمبر اللى فات, رجعت الشركة من جديد لتطلق ساعتها الجديدة باسم xiaomi mi watch revolve واللى بتتميز بشكلها الدائرى الجميل عكس الشكل المربع اللى اتعودنا عليه من ساعة ابل الذكية _ اهم حاجة فى الموضوع هنا هى ان الشركة اعلنت ان الساعة دى هتبقى اول ساعة يتم انتاجها بكميات هائلة علشان تغزو السوق العالمى زى ساعة ابل Apple watch كدا بالظبط, وطبعا كلنا عارفين ان شاومي بتتميز بانها بتقدم التكنولوجيا لينا كمستهلكين بأسعار معقولة.
الساعة دى تم الاعلان عنها مع النسخة الجديدة من السوار xiaomi mi smart band 4c وبكدا نقدر نقول ان شاومي مش بس هتصنع افضل موبايلات فى السوق طبقا لمصادر الاحصائات العالمية واللى قالت ان موبايلات شاومي قدرت انها تحقق اعلى المبيعات على مستوى العالم.
امكانيات ساعة شاومي الذكية xiaomi mi revolve
- شاشة اموليد بحجم 1.4 انش
- NFC
- GPS
- بلوتوث 5.0
- بطارية تستمر لمدة 14 يوم باستخدام طبيعى
- تتبع لنبضات القلب
- تتبع للنوم
- حماية من المياه
الوان ساعة xiaomi mi revolve الذكية
الساعة هنا بتيجى بلونين حلوين وأنيقين جدا, لون أسود مطفى ولون رمادى مع استيك بلون كحلى جميل, منظر الساعة فى الايد جميل وبيدى شكل من الاناقة بالاضافة
سعر الساعة المتوقع
من المتوقع ان الساعة تبقى فى حدود 90 يورو او مايعادلها حوالى 1800 جنيه بلاضافة للجمارك, يعنى ممكن سعر الساعة لايتعدى ال 2000 جنيه ودا تسعير كويس على ساعة ذكية من شاومي بكل مميزات ال Integration وبكدا هتبدأ شاومي فى بناء ال Eco-system بتاعها زى ابل مما يضمن لها مكان فى الصدارة فى سوق الموبايلات.
